Ці ведаеце вы, што такое Камаедзіца? А гэта яшчэ адна назва Масленкі, прычым пад камамі тут разумеюцца мядзведзі, якіх старажытныя славяне лічылі сваімі продкамі і ахвяравалі ім бліны ў якасці даніны за спакой у перыяд ранняга абуджэння прыроды. Менавіта гэтаму святу са старажытнымі каранямі і было прысвечана мерапрыемства, якое адбылося ў нашай школе 9 сакавіка. У ім прынялі ўдзел вучні 1-11 класаў. Мэта правядзення - заахвочванне школьнікаў да вывучэння гістарычнай і фальклорнай спадчыны беларускага народа, спасціжэнне і разуменне глыбіннай сакральнай складаемай абрада.