У час зімовых канікул, 26 снежня, вучні Здітаўскай школы здзейснілі падарожжа ў Бярозаўскі ліцэй будаўнікоў. Для выпускнікоў былі арганізаваны прафарыентацыйныя гутаркі з выкладчыкамі ўстановы адукацыі. Супрацоўнікі ліцэя расказвалі пра асаблівасці кожнай прафесіі. З кароткай гісторыяй ліцэя, а таксама са спецыяльнасцямі на 2017-2018 год навучэнцаў пазнаёміла выкладчык Тарасевіч І.В. Затым была праведзена экскурсія па майстэрнях, вучні маглі прыняць удзел у майстар-класах. Напрыканцы з гасцямі была праведзена размова «У пошуках будучай прафесіі».