18 лютага на базе Рэсурснага цэнтра эканамічнага развіцця Спораўскага сельсавета (Здзітаўская школа) адбыўся форум “Да ўстойлівага Спораўскага сельскага савета праз актывізацыю моладзевага прадпрымальніцтва”. Актыўны ўдзел у яго рэалізацыі прымалі госці з Італіі.
У форуме таксама прынялі ўдзел Аляксандр Мартысевіч, старшыня Спораўскага сельвыканкама, Таццяна Бранько, начальнік аддзела адукацыі, спорту і турызму Бярозаўскага райвыканкама.
Vincenzo Sannino, Прэзідэнт Асацыяцыі Acarbio Costiera Amalfitana, ACARBIO (Італія) і Antonio Di Martino, кіраўнік праектаў ACARBIO, пазнаёмілі ўдзельнікаў форуму з вопытам развіцця сельскага прадпрымальніцтва на прыкладзе правінцыі Трамонці. Італьянскія спецыялісты паведамілі ўсім прысутным аб сваім вопыце пошуку і аднаўлення страчаных гатункаў памідораў (на прыкладзе вядомага Umberto/Fiascone), іх вырошчвання, расказалі пра асаблівасці пераапрацоўкі прадукту.