23 красавіка адбылася сустрэча вучняў і настаўнікаў школы з Алегам Васільевічам Такарчуком, кандыдатам геаграфічных навук, дацэнтам кафедры геаграфіі і прыродакарыстання ўстановы адукацыі “Брэсцкі дзяржаўны ўніверсітэт імя А.С.Пушкіна”.
Падчас сустрэчы ўдзельнікі абмеркавалі канцэпцыю правядзення школьнага маніторынгу змен клімату на тэрыторыі Спораўскага сельсавета, кропкі маніторынгу, вызначыліся з месцам устаноўкі метэастанцыі і месцазнаходжаннем яе кансолі кіравання. Таксама была дасягнута дамоўленасць аб правядзенні ў летні перыяд 2017 года нівеліравання профілю маніторынгу, а таксама вадамернага паста на р. Дарагабуж.
Сустрэча адбылася ў рамках рэалізацыі мерапрыемтваў міні-праекта замежнай бязвыплатнай дапамогі “Збор дажджавой вады і школьны маніторынг змен клімату на тэрыторыі Спораўскага сельскага савета”, які рэалізуецца Міжнародным грамадскім аб’яднаннем “Экапраект” (за кошт сродкаў Аўстрыйскага Таварыства Чырвонага Крыжа, праект “Форум усходніх краін па кліматычных зменах (фаза 2)).