Матывацыя да навучання заўсёды значна ўзрастае, калі ты знаёмішся з прыкладамі жыццёвага поспеху па вывучаемай тэме, атрымліваеш кансультацыю прафесіяналаў.
Наведваючы асабістую дапаможную гаспадарку Аляксандра Пятровіча Казловіча (в. Быцень Івацэвіцкага раёна Брэсцкай вобласці) і сялянскую фермерскую гаспадарку “Улас” (в. Рачкі Жабінкаўскага раёна Брэсцкай вобласці), вучні пазнаёміліся з асаблівасцямі пасадкі і вырошчвання суніц, прынцыпамі вырошчвання суніц, буякоў, маліны, а таксама правіламі абрэзкі пладовага саду.
Падас адукацыйных візітаў удзельнікі тэматычнага кірунку “Раслінаводства” бізнес-інкубатара таксама разгледзелі пытанні эканамічнай устойлівасці прадпрыемстваў.
“Атрыманы вопыт з’яўляецца вельмі карысным для прадаўжэння нашай дзейнасці” – дзяліліся сваімі ўражаннямі дзеці.
Сумесная ініцыятыва “Да ўстойлівага Спораўскага сельскага савета – праз павышэнне эканамічнай актыўнасці моладзі (стварэнне моладзевага бізнес-інкубатара)” адбываецца ў рамках праекта міжнароднай тэхнічнай дапамогі “Пашырэнне эканамічных магчымасцяў у сельскай Беларусі”, які рэалізуецца Ўстановай “Новая Еўразія” пры фінансавай падтрымцы Еўрапейскага саюза і Фонду “Еўразія” (за кошт сродкаў Агенцтва ЗША па міжнародным развіцці (#USAID)). Праект зарэгістраваны Міністэрствам эканомікі Рэспублікі Беларусь за № 2/14/000737 ад 24 снежня 2014 г.
