У перыяд з 25 па 30 верасня ў школе праходзілі мерапрыемствы, прысвечаныя барацьбе са шкоднымі звычкамі. Мэта дадзенай работы – прыцягненне ўвагі да праблемы залежнасцей у дзіцячым і падлеткавым узросце, якая з цягам часу можа выклікаць насупствы фізічнага і псіхалагічнага накірунку. Лінейка, з якой пачаўся тыдзень, “Уплыў залежнасцей на жыццё законапаслухмянага чалавека”, была сабрана каля стэнда “Вугалок прававых ведаў”, каб вучням яшчэ раз давесці інфармацыю ад адказнасці непаўналетняга перад законам за захапленне шкоднымі звычкамі. Адзіная інфармацыйная гадзіна “Віды залежнасцей і іх уплыў на фарміраванне асобы чалавека” засяродзіла ўвагу школьнікаў на прыкладах залежнасцей (ад ежы, ад інтэрнету, ад курэння, наркотыкаў, ад алкаголю). Таксама да прагляду былі прапанаваны відэаролікі “Камп’ютэрная залежнасць. Як мы забіваем дзяцей”, “10 спосабаў пазбаўлення ад шкодных звычак”  і мультыплікацыйны фільм “Глядзець усім! Шкода ад камп’ютэрных гульняў” з наступным абмеркаваннем. Была арганізавана сустрэча з памочніцай пракурора  Асадчук В.А. па тэме  “Залежнасць у жыцці непаўналетняга” і праведзена інтэлектуальна-пазнавальная гульня “Ведаць, каб жыць” з удзелам вунняў 8-11 класаў.