16 лістапада ў школе прайшоў цудоўны роварнай тэматыкі дзень. Па-першае, на школьнай велапаркоўцы хлопчыкі, якія займаюцца веласэрвісам, усталявалі веламаячок – стэнд з інструментамі для самастойнага рамонту ровараў. Цяпер велааматары (а гэта і вучні, і працаўнікі школы, і дарослыя жыхары вёскі) змогуць пры неабходнасці самастойна правесці нескладаны рамонт сваіх жалезных сяброў, праверыць і падкачаць ціск у колах. Мы не змаглі не стрымацца, каб не правесці з гэтай нагоды, нават і пры не зусім спрыяльным надвор’і, роварны заезд усіх жадаючых з элементамі фігурнага кіравання. У выніку выдатнага настрою было хоць адбаўляй. А перамогу атрымалі Карына Жуковіч і Кірыл Шчурко, вучні 7 класа, Максім Леанідавіч Тарасюк, настаўнік фізічнай культуры і здароўя, кіраўнік школьнага кірунку “Веласэрвіс”. Па-другое, у ходзе арганізаванага экспрэс-велапрабегу ўдзельнікі пазнаёміліся з устаноўленай напярэдадні велапаркоўкай на тэрыторыі Храма Раства Прасвятой Багародзіцы ў в. Здзітава. Цяпер знаходжанне ровараў прыхаджан на тэрыторыі царквы будзе больш арганізаваным. Значную дапамогу ў падрыхтоўцы пляцоўкі для ўсталявання велапаркоўкі аказала УП “Завод бетонных вырабаў”, в. Хрыса. Шчыра дзякуем установе “Цэнтр экалагічных рашэнняў” (г. Мінск) і грамадскаму аб’яднанню “Мінскае роварнае таварыства” за падтрымку нашай праектнай ініцыятывы і супрацу ў рамках праекта “Развіццё гарадского веласіпеднага руху ў інтарэсах грамадкасці Рэспублікі Беларусь”, які фінансуецца Еўрасаюзам
Больш фота
