У суботу 16 мая ў школе прайшло мерапрыемства, якое па форме нагадвала вусны часопіс “Хотят ли русские войны?”. Аснову яго склалі песні ваеннай тэматыкі, напісаныя ў перыяд Вялікай Айчыннай вайны і пасля яе.

Да ўвагі вучняў была прадстаўлена прэзентацыя з гісторыяй напісання кожнай песні і відэаролікі з непасрэдным выкананнем спевакамі тых часоў і нашымі сучаснікамі (дарослымі і дзецьмі). Старшакласнікі мелі мажлівасць пазнаёміцца з кадрамі кінахронікі, убачыць урыўкі са славутых фільмаў і нават напрыканцы мерапрыемства паспрабавалі самі пад караоке праспяваць песню, абраную назвай мерапрыемства. Пасля ўзнавілі ў памяці назвы тых песень, якія найбольш запомніліся, акрэслілі асноўную тэматыку музычнага матэрыялу, зрабілі вывад аб ролі песні ў жыцці воіна, краіны і ў сусветным палітычным асяроддзі.